ئەمڕۆ ئەنجومەنی نوێنەرانی عێراق کۆدەبێتەوە و دەنگدان لەسەر پرۆژە یاسای بیمەی کۆمەڵایەتی خانەنشینی کرێکاران بەڕێوەدەچێت.
بەپێی بەرنامەی کاری کۆبوونەوەی ئەنجومەنی نوێنەرانی عێراق، ئەمڕۆ دانیشتنی ژمارە 26 بەڕێوەدەچێت و دەنگ لەسەر پرۆژە یاسای بیمەی کۆمەڵایەتی و خانەنشینی کرێکاران دەدرێت کە لەلایەن لیژنەی کار و رێکخراوەکانی کۆمەڵگەی مەدەنی و لیژنەی دارایی و لیژنەی یاساییەوە ئامادەکراوە.
گەرچی بڕیاربوو کۆبوونەوەکەی ئەنجومەنی نوێنەران کاتژمێر 11:00ی پێشنیوەڕۆی ئەمڕۆ ئەنجامبدرێت، بەپێی زانیارییەکانی ئێستا کۆبوونەوەکە بۆ ماوەیەک دواخراوە.
