منداڵێکی مەغریبی دوای بەسەربردنی حەوت ساڵی تەمەنی لە زیندانەکانی عێراق رادەستی وڵاتەکەی کرایەوە.
چیرۆکی منداڵە مەغریبییەکە لەوەوە دەستپێدەکات، دایک و باوکی پەیوەندییان بە گروپە تیرۆرستییەکانەوە هەبووە و هاتوونەتە عێراق و سوریا، لە یەکێک لە شەڕەکاندا باوکی کوژراوە و دواتر دایکیشی دەستگیرکراوە.
دایکی منداڵەکە بە تۆمەتی تیرۆر سزای لەسێدارەدانی بۆ دەرچووە و دواتر سزاکەی بۆ سزای هەتا هەتایی کەمکراوەتەوە و هەر لە زیندان منداڵەکەی لەدایکبووە.
ئەو منداڵە ماوەی حەوت ساڵە لەگەڵ دایکی لە زیندان ماوەتەوە و لە دەستپێشخەرییەکی وڵاتەکەی و بە رەزامەندی دایکی لە زیندان ئازادکرا و رەوانەی مەغریب کرایەوە.
بڕیارە منداڵە مەغریبییەکە رادەستی پوری بکرێتەوە و دەست بە ژیانێكی نوێ بکات لە وڵاتەکەی.
