ئەمڕۆ بەهۆکارێکی نادیار ئاگر لە زەوییەکی فراوانی گەنمی جوتیارانی پارێزگای سەڵاحەدین کەوتەوە و بەهۆیەوە زیانێكی ماددی زۆری لێکەوتەوە.
میدیا عێراقییەکان بڵاویانکردەوە، “بەیانی ئەمڕۆ ئاگرێک لە رووبەرێکی فراوانی گەنمی جوتیاران لە پارێزگای سەڵاحەدین کەوتەوە و رووبەری 20 دۆنم سووتا”.
ئاشکراشیکرد، “بە زویی تیمەکانی بەرگری شارستانی گەیشتنە شوێنی رووداوەکە و ئاگرەکەیان کۆنتڕۆڵکرد و رێگریان کرد لەوەی ئاگرەکە تەشەنە بسەنێت”.
ئاماژەی بەوەشکرد، “تا ئێستا هۆکاری کەوتنەوەی ئاگرەکە نەزاندراوە، لێکۆڵینەوەکان لەوباریەوە دەستیانپێکردووە”.
لە چەند ساڵی رابردوودا لە وەرزی دروێنەی گەنمی جوتیاران چەندین رووداوی ئاگرکەوتنەوە تۆمارکراون کە بەشێکیان لەلایەن پاشماوەکانی داعشەوە کرابوونەوە.
