قائیمقامیەتی سلێمانی رێژەی سەرپێچی و سەردانەکانی مانگی رابردووی شاری سلێمانی بڵاوکردەوە، رایگەیاندووە، 75 شوێن بەهۆی پابەندنەبوونەوە داخراون.
لیژنە هاوبەشەکانی قائیمقامیەتی سلێمانی بڵاویکردەوە، لە مانگی نیساندا چوار هەزار سەردانی ئەنجامدراوە لەو سەردانانە 75 شوێن بەهۆی پابەندنەبوونەوە داخراون.
ئاماری لیژنەکە دەریخستووە، لە مانگی رابردوودا ژمارەی سەردانەکانیان زیادیکردووە و هەشت هەزار و 701 سەردانیان کردووە، لەو سەردانانە هەزار و 18 سەرپێچی تۆمارکراون بەو پێیەش رێژەی سەرپێچییەکان %11.7ی سەردانەکان بووە.
لە مانگی رابردوودا بەهۆی پابەندنەبوون بە رێنماییە تەندروستییەکان 75 شوێنکار داخراون 15 لەو شوێنانە دۆسییەی یاساییان بۆکراوەتەوە و 459 شوێنیش پسوڵەی ئاگادارکردنەوەیان بۆکراوە.
هەر بەپێی ئامارەکە نزیکەی 44 تۆن خۆراک و شمەکی ناتەندروست و خراپبوو لەناوبراون و 145 ملیۆن و 600 هەزار دیناریش سزای دارایی سەرپێچیکاران دراوە و خراوەتە سەر داهاتی گشتی.
