قوباد تاڵەبانی جێگری سەرۆك وەزیرانی هەرێمی كوردستان، پێشوازیكرد لە باربارا لیف یاریدەدەری وەزیری دەرەوەی ئەمریکا بۆ کاروباری خۆرهەڵاتی ناوەڕاست و شاندی یاوەری.
لە راگەیەندراوێكدا جێگری سەرۆك وەزیران دەڵێت، “تاوتوێی چۆنییەتی چارەسەرکردنی کێشە ناوخۆییەکانی کوردستانمان کرد و جەختمکردەوە ناکۆکییەکان مەترسین بۆ سەر پێگەی هەرێم و دەبێت هەموو لایەکمان بەرپرسیارانە هەوڵی چارەسەرکردنی ناکۆکییەکان بدەین”.
قوباد تاڵەبانی راشیگەیاندووە، “ئێمە ئامادەین لەم پێناوەدا بۆ هەموو ئەو خاڵانەی مایەی ناکۆکین، لیژنەی هاوبەش تەنانەت بە بەشداریی نوێنەرانی وڵاتانی دۆست و هاوپەیمانەکانمان پێکبهێنین”.
