بریندارێكی تری تەقینەوەکەی ناوچەی پیشەسازیی کەلار گیانیلەدەستدا و بەوەش ژمارەی قوربانییەكان بۆ سێ كەس بەرزبووەوە.
عەلی تاڵب یەکێکی دیکەیە لە بریندارەکانی رووداوی تەقینەوەکەی ناوچەی پیشەسازیی کەلار، كە بەهۆی تەقینی تانكیی گازی بارهەڵگرێكەوە روویدابوو، دوای 11 رۆژ مانەوە لە نەخۆشخانە، بەهۆی بەرزیی رێژەی سووتانەکەیەوە ئەمڕۆ پێنجشەممە گیانیلەدەستدا.
دوێنێش ئەحمەد عەلی كە یەکێکی دیکە لە بریندارەکانی هەمان رووداو بوو، لە نەخۆشخانە بەهۆی سەختیی برینەکەیەوە گیانیلەدەستدا.
11 رۆژ لەمەوبەر لە ناوچەی پیشەسازیی کەلار، تانکیی گازی بارهەڵگرێك لە كاتی لەحیمكردنیدا تەقییەوە و بەهۆیەوە کەسێک گیانیلەدەستدا و سێ کەسیش برینداربوون.
