بەڕێوەبەرایەتیی هاتوچۆی دەربەندیخان رایدەگەیەنێت بەهۆی رژانی ڕۆنی ڕەشەوە لەناو تونێلی دەربەندیخان تونێلەكە داخرا و شۆفێران وەكو رێگای جێگرەوە رێگای سەر چیای بەرانان بەكاربهێنن.
بەپێی راگەیەندراوێكی بەڕێوەبەرایەتیی هاتوچۆی دەربەندیخان كە وێنەیەكی دەست تۆڕی میدیایی ئێستا كەوتووە و تێیدا هاتووە، بەهۆی رژانی ڕۆنی ڕەشەوە لەناو تونێلی دەربەندیخان كە لە تانكەرێكی گواستنەوەی سووتەمەنییەوە ڕژابوو، لە ئێستادا تونێلەكە داخراوە.
لە راگەیەندراوەكەدا هاتووە، شۆفێران وەكو رێگای جێگرەوە دەبێت رێگای سەر چیای بەرانان بەكاربهێنن.
