یامین لامال، یاریزانێکی لاوی بەهرەداری یانەی بەرشلۆنەیە و چاڤی هێرناندێز بە هاوشێوەی مێسی وەسفیدەکات.
دوای بردنەوە لە ڕیاڵ بیتیس، ڕۆژنامەنووسان لەبارەی یامین لامالەوە پرسیاریان لە چاڤی هێرناندێزی ڕاهێنەری یانەی بەرشلۆنە کرد، ئەویش لەوەڵامدا وتی، “یاریزانێکی هاوشێوەی مێسی-یە، بەهرەی سرووشتی هەیە لە سێیەکی یاریگای یانە ڕکابەرەکاندا، وا دەرناکەوێت تەمەنی 15 ساڵ بێت، چونکە زۆر تێروتەسەل و پێگەیشتووە، بەباشی ڕاهێنان دەکات و ئامادەیە بۆ بۆ یاریکردن، دەکرێت ببێتە سەرتیپی نەوەی نوێی بارسا.”
یامین لامال لە دایکێکی غینی و باوکێکی مەغریبییە و لە ئیسپانیا لەدایکبووە، ناوی ڕاستەقینەی ئەمین جەمال نەسراوی ئیبانا-یە، تەمەنی 15 ساڵە و توانای یاریکردنی بۆ پێکهاتەکانی لاوانی ئیسپانیا، غینیا، مەغریب هەیە، بەپێی چەپ لە پێگەی هێرشبردن یاریدەکات.
