پاشنیوەڕۆی ئەمڕۆ لە گەڕەکی خەباتی شاری سلێمانی بەهۆی کێشەی کۆمەڵایەتییەوە کەسێک برایەکی خۆی کوشت.
سەرکەوت ئەحمەد وتەبێژی بەڕێوەبەرایەتیی پۆلیسی سلێمانی بە تۆڕی میدیایی ئێستای راگەیاند، رووداوەکە لە گەڕەکی خەبات بووە و بەهۆی کێشەی کۆمەڵایەتییەوە روویداوە، کەسێک تەقەی لە برا گەورەکەی کردووە و کوشتوویەتی.
پۆلیسی سلێمانی ئاماژەی بەوەکردووە، کە تۆمەتبارەکە لە شوێنی رووداوەکە هەڵاتووە و لە هەوڵدان بۆ دەستگیرکردنی.
تەرمی کوژراوەکەش لە پزیشکی دادی سلێمانییە لێکۆڵینەوە لە تاوانەکە دەستیپێکردووە.
