وەزیری نەوتی عێراق رایدەگەیەنێت، بەمزوانە دەست بە هەناردەی نەوتی هەرێمی كوردستان دەكرێتەوە و سۆمۆ ئەركی هەناردەكردنی نەوتی هەرێم وەردەگرێت.
حەیان عەبدولغەنی، وەزیری نەوتی عێراق رایگەیاند، حكومەتی عێراق گەیشتووەتە دوایین قۆناغەكانی تایبەت بە جێبەجێكردنی رێككەوتنی نێوان هەرێم و بەغداد بۆ دەستپێكردنەوەی هەناردەكردنەوەی نەوتی هەرێم.
وەزیری نەوتی عێراق ئاشكراشیكرد، كۆمپانیای بە بازاڕكردنی نەوتی عێراق”سۆمۆ” گرێبەست لەگەڵ ئەو لایەنانە واژوو دەكات كە نەوتی هەرێمی كوردستان دەكڕن و بۆ ئەوەش چاوەڕواندەكرێت لە رۆژانی داهاتوودا دەست بە هەناردەی نەوتی هەرێم بكرێتەوە.
