سەرۆكایەتیی شارەوانیی سلێمانی رایدەگەیەنێت، هەردوو پڕۆژەی یەكتربڕی ئارام و فاروق لەسەر شەقامی بازنەیی مەلیك مەحمود بە شێوازێكی زۆر خێرا بەڕێوەدەچن.
بەپێی راگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، پڕۆژەی یەكتربڕی فاروق قۆناغێكی باشی بڕیوە و بە تەواوبوونی چارەسەری ئاستەنگی هاتوچۆ لەو ناوچەیە دەكات.
هەر لە راگەیەندراوەكەی سەرۆكایەتیی شارەوانیدا هاتووە، پڕۆژەی یەكتربڕی ئارام كە لەسەر شەقامی بازنەیی مەلیك مەحمود نزیك گەڕەكی كازیوە بەڕێوەدەچێت كاركردن تێیدا بەردەوامە و قۆناغ بە قۆناغ بەرەو پێشەوە دەڕوات.
