شەڕ و پێكداهەڵپژان لە هەولێر گەیشتە حەمامێكی ژنان و پۆلیس بۆ كۆتایی پێهێنانی دەستێوەردان دەكات.
پاش نیوەڕۆی ئەمڕۆ لە حەمامێکی ژنان لە گەڕەکی تەیراوەی شاری هەولێر لەسەر وێنەگرتنی ژنان بە مۆبایل دەبێتە شەر ژن و دواجار پۆلیس کێشەکە بە کۆتا دینێ.
لە سایەی حكومەتی راسپاردەدا شارەكە بە نائارامی لە زۆرینەی بوارەكاندا تێدەپەڕێت.
بەجۆرێك تەنها شەوی رابردوو دوو رووداوی شەڕەتەقە لە هەولێر روویاندا و كوژرانی منداڵێك و چەند بریندارێك و زیانی ماددییان لێكەوتەوە.
لە رووداوی یەكەمدا، شەڕەتەقە لە نێوان هێزێکی ئەمنی و ئەندامانی باندێکدا لە گەڕەکی سێتاقانی شاری هەولێر روویدا و تەقەی زۆر کرا.
بەهۆی تەقەکردنەکانەوە، منداڵێکی تەمەن هەشت ساڵانی دانیشتووی گەڕەکەکە کوژرا و چەند کەسێکیش برینداربوون، زیان بە چەند ئۆتۆمبێلێكی هاوڵاتییان كەوت.
بە چەند كاتژمێرێك دواتر، لەسەر رێگای قۆریتانی سەر بە ناحیەی شەمامک لە پارێزگای هەولێر لە نێوان دوو بنەماڵەدا شەڕ روویدا و تەقەکرا.
بەپێی زانیارییەکان، لایەنێکی هەڵگیرسێنەری شەڕەکە گەراجێکی دروستکردنی کەرەڤانەی سووتاندووە و بەو هۆیەوە ئاگرێکی گەورە کەوتەوە.
