بەنزینی نۆرماڵ هەرزانكرا

وتەبێژی بەنزینخانەكانی سلێمانی ڕایدەگەیەنێت، نرخی لیترێك بەنزینی نۆرماڵ 25 دینار دادەبەزێت و سەرجەم بەنزینخانەكان پابەندی دابەزاندنی نرخەكەی دەبن.

بەهمەن شێخ قادر، وتەبێژی بەنزینخانەكانی سلێمانی لە لێدوانێكدا بە تۆڕی میدیایی ئێستای ڕاگەیاند، “بۆڕسەی جیهانیی تایبەت بە سووتەمەنی خاوبووەتەوە و بڕی سووتەمەنیی پێویستمان لەبەردەستدا هەیە و نرخی بەنزینی نۆرماڵ 25 دینار هەرزاندەكرێت”.

وتەبێژی بەنزینخانەكانی سلێمانی باسی لەوە كرد، تا ئێوارە سەرجەم بەنزینخانەكان پێوەی پابەند دەبن و نرخەكەی دادەبەزێنن و لیترێك بەنزینی نۆرماڵ لە هەزار و 25 دینارەوە دەبێت بە هەزار دینار.

ئاماژەی بەوە كرد، “جۆرەكانی بەنزینی موحەسەن و سوپەر نرخەكانیان وەك خۆیان دەمێننەوە و هەرزان ناكرێن”.

بابەتی پێشتر

هازارد یان گاریس بەیل؟ ناڕوات و یانەی دیکەشی ناوێت

بابەتی دواتر

پەرلەمانتارانی كوەیت سەرۆك وەزیران ناچار بە دەستلەكاركێشانەوە دەكەن

بابەتی پەیوەندیدار
Total
0
Share