هێزە ئەمنییەکان لە شاری بەغداد بە تۆمەتی هەڕەشەکردن لە کچان و بە بڵاوکردنەوەی وێنەکانیان لە تۆڕە کۆمەڵایەتییەکان کەسێكیان دەستگیرکرد.
بەپێی راگەیەندراوی وەزارەتی ناوخۆی عێراق، “کەسێک لە شاری بەغداد دەستگیرکراوە کە هەڕەشەی بڵاوکردنەوەی وێنە و تۆماری دەنگی کچێکی لە تۆڕە کۆمەڵایەتییەکان کردووە، گەر 100هەزار دۆلاری پێنەدات”.
هەر لە راگەیەندراوەکەدا هاتووە، “پاش ئەوەی لەلایەن تاوانلێکراوەوە داوای یاسایی لەسەر تۆمەتبار تۆمارکرا لێکۆڵینەوەکان دەستیانپێکرد و رووداوەکەمان بۆ پشتڕاستبووەوە”.
ئاشکراشیکرد، “تۆمەتبار دانی بە تاوانەکەیدا ناوە، بەپێی ماددەی 430 لە یاسای سزادانی عێراقی راگیراوە و لێكۆڵینەوە لەگەڵیدا بەردەوامە”.
