بەڕێوەبەری گەنجینەی یەك لە سلێمانی رایدەگەیەنێت، دوای پشووەكانی جەژن هەر فەرمانگەیەك لیستی مووچەی مانگی چوارمان ئاراستە بكات وەریدەگرین و ئامادەدەكرێت، بەپێی زانیارییەكان لە دوای پشووەكانی جەژن مووچەی مانگی ئازار بەو خانەنشینانەش دەدرێت كە بەر لە جەژن مووچەیان وەرنەگرت.
حەسەن رەشید، بەڕێوەبەری گەنجینەی یەك لە سلێمانی لە لێدوانێكدا بە تۆڕی میدیایی ئێستای راگەیاند، لە دوای جەژن هەر فەرمانگەیەك لیستی مووچەی مانگی نیسان ئامادەبكات و ئاراستەی ئێمەی بكات وەریدەگرین و ئامادەیدەكەین و دواكەوتنی مووچە كاریگەری لەسەر كارەكانی ئێمە ناكات و بەردەوامدەبین.
هاوكات هەر بەپێی ئەو زانیارییانەی بە تۆڕی میدیایی ئێستا دراون، لە دوای پشووەكان ئەو خانەنشینانەی مووچەی مانگی ئازاریان وەرنەگرتووە تا رۆژی پێنجشەممەی داهاتوو مووچەكانیان وەردەگرن و بۆ مووچەی مانگی چوار بەغداد قەرز بە هەرێم دەدات و لە كاتی خۆیدا دابەشكردنی مووچە دەستپێدەكاتەوە.
