کەشناسیی هەرێمی کوردستان باری کەشوهەوای ئەمڕۆ و سبەینێی بڵاوکردەوە، بەپێی پێشبینییەکان ئەمڕۆ خۆڵبارین کەمدەبێتەوە و سبەینێش نمەباران لە سلێمانی و هەڵەبجە دەبارێت.
پێشبینییەکانی کەشناسی دەریدەخات، ئەمڕۆ شەممە ئاسمان ساماڵ و پەڵەهەور دەبێت هەندێک کات دەگۆڕێت بۆ نیمچەهەور لەگەڵ کشانەوەى تۆز و خۆڵ و زیادبوونى مەودای بینین لە کاتەکانى نیوەڕۆوە لە ناوچەکانى رۆژهەڵاتى هەرێم.
هەروەها پلەکانی گەرما نزمتردەبنەوە لە تۆمارکراوەکانی رۆژی پێشوو.
سبەینێ یەکشەممە ئاسمان لە نێوان هەور و نیمچەهەور دەبێت لەگەڵ بارینى کەمێک نمەباران و هەورە بروسکە لە ناوچەى جیا جیا بە تایبەت ناوچەکانى باشوور و سلێمانى و هەڵەبجە
پلەکانی گەرما بەرزدەبنەوە لە تۆمارکراوی رۆژی پێشوو بە (1-2) پلە لە سەرجەم ناوچەکانى هەرێم بێجگە لە پارێزگاى سلێمانى و هەڵەبجە کە پلەکانى گەرما کەمێک دادەبەزێت لە تۆمارکراوەکانى ئەمڕۆ.
