بافڵ جەلال تاڵەبانی سەرۆكی یەكێتیی نیشتمانیی كوردستان بەبۆنەی هاتنەوەی جەژنی رەمەزانەوە پەیامێكی بڵاوكردەوە.
لە پەیامەكەی سەرۆكی یەكێتیدا هاتووە، “بەبۆنەی جەژنی رەمەزانی پیرۆزەوە، پیرۆزباییەكی گەرم لە موسڵمانانی كوردستان و عێراق دەكەم و هیوادارم رۆژانی جەژن لە خۆشی و كامەرانیدا بەسەربەرن”.
هەر لە پەیامەكەیدا هاتووە، لە خوای گەورە داواكارم جەژن ببێتە مایەی ئارامی و خۆشگوزەرانی بۆ كوردستانەكانمان و پێكەوە لەگەڵ خەڵكی خۆمان لەپێناو داهاتوویەكی گەشتر هەنگاوبنێین.
