بەپێی ئەو زانیارییانەی بە تۆڕی میدیایی ئێستا دراون، سەرۆكایەتیی دیوانی ئەنجومەنی وەزیران بە نووسراوێك دەسەڵاتی داوە بە ئیدارەی سەربەخۆی سۆران بۆ گواستنەوەی راژە و تەنسیب و تەواوی دەسەڵاتەكان تایبەت بە رێكخستنەوەی راژە و میلاكی فەرمانبەران، بەڵام ئەو دەسەڵاتە بە ئیدارە سەربەخۆكانی گەرمیان و راپەڕین و پارێزگای هەڵەبجە نەدراوە.
لە زانیارییەكاندا هاتووە، ئەنجومەنی وەزیران بە نووسراوی 3377 لە 16ی 3ی 2023دا نووسراوەكەی ئاراستەی ئیدارەی سەربەخۆی سۆران كردووە.
پێشتر ئەو دەسەڵاتە بە پارێزگای هەڵەبجە و ئیدارە سەربەخۆكانی گەرمیان و راپەڕین دراوە و ئەمساڵ دەسەڵاتیان پێنەدراوە.
