بەڕێوەبەرایەتیی هاتوچۆی سلێمانی، لە ئاگادارینامەیەكدا بۆ شۆفێران ناوی ئەو پێداویستی و كەرەستانە ئاشكرادەكات كە پێویستە لەناو ئۆتۆمبێلدا هەبن و دەڵێت، “گرنگترینن”.
بەپێی ئاگادارینامەكەی هاتوچۆی سلێمانی كە ئەمڕۆ سێشەممە بڵاویكردووەتەوە، ئاگركوژێنەوە و بۆكسی فریاگوزاریی سەرەتایی، لەگەڵ سێگۆشەی فسفۆریی ئاگاداركردنەوە، جەگ، تایەی سپێر، سپانە و ماتۆڕی هەوا لە گرنگترین ئەو كەرەستە و پێداویستییانەن كە دەبێت شۆفێر لە ئۆتۆمبێلەكەیدا هەڵیانگبرێت.
هاتوچۆی سلێمانی جەختدەكاتەوە، ئامێری دیاریكردنی شوێن (جی پی ئێس) لە گرنگترین ئەو كەرەستانەیە كە دەبێت لە هەر ئۆتۆمبێلێكدا هەبن.
