وانەبێژانی خۆبەخش لە كەركوك خۆپیشاندانیان ئەنجامدا و داواكارن شایستە داراییەكانیان بۆ خەرجبكرێن و دابمەزرێندرێن.
بەیانیی ئەمڕۆ دووشەممە، مامۆستایانی وانەبێژی خۆبەخش لە كەركوك خۆپیشاندانیان ئەنجامدا و لە بەردەم تەلاری بەڕێوەبەرایەتیی پەروەردەی شارەكە گردبوونەوە.
داواكاریی وانەبێژانی خۆبەخش لە دوو خاڵدا خۆی دەبینێتەوە، خەرجكردنی شایستە داراییەكانیان لەگەڵ دامەزراندنیان وەك مامۆستا، بەو پێیەی وەك خۆیان ئاماژەی بۆ دەكەن ساڵانێكە خزمەت دەكەن و تا ئێستا بەرهەمەكەیان نەچنیوەتەوە.
مامۆستایانی وانەبێژی كەركوك یاداشتێكیان ئاراستەی وەزارەتی پەروەردەی حكومەتی ناوەندی كرد، داوایانكرد بڕیاری 315ـی ئەنجومەنی وەزیرانی عێراق تایبەت بە دامەزراندنی فەرمانبەرانی كرێی رۆژانە و گرێبەست بیانگرێتەوە.
