بەڕێوەبەرایەتیی هاتوچۆی سلێمانی رایگەیاند، ئەو شۆفێرانەی کێشەی یاساییان هەیە بۆ یەکلاییکردنەوەی مامەڵەی ئۆتۆمبێلەکانیان لە رێگەی لیژنەی هاوبەشەوە، سبەینێ دووشەممە کارەکانیان بۆ رایی دەکرێن.
بەڕێوەبەرایەتیی هاتوچۆی سلێمانی بڵاویکردەوە، “بۆسەرجەم ئەو شۆفێرانەی کێشەی یاساییان هەیە بۆ یەکلاییکردنەوەی مامەڵەی ئۆتۆمبیلەکانیان ئەوانەی چارەسەری کێشەکانیان لە رێگەی (لیژنەی هاوبەش)ەوە هەفتانە هەموو رۆژانی چوارشەممە لە ناو بەڕێوەبەرایەتیی گومرگی سلێمانی چارەسەردەکرێن، لەبەر بەرژەوندی هاوڵاتییان سبەینێ دووشەممە کاریان بۆ دەکرێت”.
ئاماژەی بەوەشکرد، “دوای کۆتاییهاتنی پشووەکانی جەژنی رەمەزانی پیرۆز کاری لیژنەی هاوبەش ئاسایی دەبێتەوە تەنها رۆژانی چوارشەممان کار بۆ ئەو ئۆتۆمبێلانە دەکرێت کە ئاراستەی لیژنەکە کراوە”.
