ژنە پارێزەرێک رایگەیاند، لە هەولێر بەر لە دوو بۆ سێ هەفتە تووشی رووداو بووە و برینداربووە، داوادەکات یاسا و دادگا رێکار بەرامبەر تۆمەتباران بگرنەبەر.
لە کۆنگرەیەکی رۆژنامەوانیدا ژنە پارێزەرێک بەناوی ئەمانە کینانی رایگەیاند، “بەر لە دوو بۆ سێ هەفتە لە هەولێر تووشی رووداوی هاتوچۆ بووم، رووداوەکە بووەهۆی برینداربوون و شکاوی لە جەستەمدا”.
ئەو پارێزەرە دەڵێت، “داوا لە دادگا و دەسەڵاتی دادوەری دەکەم رێکاری بەپەلە بەرامبەر تۆمەتباران بگرنەبەر و مافی من وەربگرنەوە، داواش لە دەسەڵاتی دادوەری دەکەم کە پشتمبگرن و مافم وەربگرن چونکە من پارێزەرم و پارێزەریش بەشێکە لە دەسەڵاتی دادوەری”.
ئەمە لە کاتێکدایە دوێنێ پارێزەرێکی دیکە رایگەیاند کە لالایەن چوار کەسەوە لە هەولێر رفێنراوە و لێیداروە و بریندارکراوە، هەروەها سەریان تاشیوە.
پێشتر لە ماوەی رابردوودا چەند جارێک ئەم جۆرە حاڵەتانەی رفاندن لێدان و سەرتاشین لە هەولێر روویانداوە.
