بریكاری وەزارەتی داد ئیدانەی هێرشكردنە سەر پارێزەرەكەی هەولێر دەكات و راشیدەگەیەنێت، “دەستدرێژیكردنە سەر پارێزەرەكەی هەولێر دەستدرێژییە بۆ شكۆ و كۆی تەواوی خێزانی داد و دادوەری.
شیلان عارف بریكاری وەزارەتی دادی هەرێم راگەیەندراوێكی بڵاوكردەوە و كە تێیدا هاتووە دەڵێت، دڵگرانم لەو رووداوە نەخوازراوانەی لە هەرێمی كوردستان ڕوودەدەن، لە كوشتن و دەستدرێژیكردنە سەر شكۆ و كەرامەتی مرۆڤ و پەنابردنەر تۆڵەسەندنەوە و ترساندن و تۆقاندن بۆ یەكلاكردنەوەی كێشەكان لەدەرەوەی دادگاكان، بە تایبەتی ئەو دەستدرێژییە ناڕەوایەی كرایە سەر پارێزەرێك لە پایتەختی هەرێمی كوردستان.
بریكاری وەزارەتی دادی هەرێم دەشڵێت، “ئەم دەستدرێژیە دەستدرێژیە بۆ شكۆ و كۆی تەواوی خێزانی داد ودادوەری و پێویستە هەموو هەڵوێستەی لەسەر بكەین و دەستدرێژی كاران بە سزای توند بگەیەندرێن.
راشیدەگەیەنێت، “توانا و پاڵپشتی خۆم بۆ سەندیكای پارێزەران و یەكە بە یەكەی پارێزەرانی خۆشەویست دووپاتدەكەمەوە كە ئەوان بەشێكی گرنگ و دانەبڕاوی خێزانی داد و دادوەرین”.
