نیوەڕۆی ئەمڕۆ سێشەممە، هەوری ماماتۆس له ئاسمانی ناحیەی عەربەتی سەر بە پارێزگای سلێمانی دەرکەوت.
شارەزایان دەڵێن، هەوری ماماتۆس بە یەکێک لە سەرسووڕهێنەرترین دیاردە سروشتییەکان دادەنرێت و لە بڵق دەچێت و لە کۆمەڵێك هەور پێكدێت، کە شێوەیان هێشووییە و بە درێژایی سەدان کیلۆمەتر بە پانتایی ئاسماندا بڵاودەبنەوە.
هەوری ماماتۆس کاتێك شێوە دەگرێت و لە ئاسماندا دەردەكەوێت، کە چینەکانی هەوا بەرزبن و تا رادەیەك شێداربن، یاخود لەژێر ئەم هەورانەدا چینی وشک هەبێت و لە ئەنجامدا هەور لە ناوچەیەكی دیاریكراوی بۆشاییدا بەو شێوەیە دەردەکەوێت.
