سەرۆکی پەرلەمانی کوردستان سەرکۆنەی هێرشی سەر فڕۆکەخانەی نێودەوڵەتیی سلێمانی دەکات و داواش لە حکومەت دەکات بە هەمان پێوەری هەولێر مامەڵە لەگەڵ سلێمانی بکات.
رێواز فایەق لە پەیامەکەیدا دەڵێت، “ھیچ پاساوێک نیە بۆ ھێرشی ناڕەوای سەر فڕۆکەخانەی مەدەنیی سلێمانی، وەک چۆن ھەموو ھێرشەکانی رابردوو بۆ سەر فڕۆکەخانەی ھەولێر ناڕەوابوون”.
سەرۆکی پەرلەمانی کوردستان لە پەیامەکەیدا دەڵێت، شەرمەزاری بۆ ئەنجامدەرانی ھێرشەکە و ھەرکەس ھێرشەکە بە ڕەوا دەبینێت.
جەختیکردووەتەوە، “حکومەتیش واجبیەتی بە ھەمان پێوەر مامەڵە لەگەڵ ھەموو شارەکانی ھەرێمی کوردستان بکات”.
