ئێوارەی ئەمڕۆ، د. ئارام محەمەد قادر وەزیری خوێندنی باڵای هەرێم لە زانكۆی هەڵەبجە لەگەڵ خوێندكارانی بەشە ناوخۆییەكانی كچان و كوڕاندا بەربانگی كردەوە.
بەپێی راگەیەندراوێكی وەزارەتی خوێندنی باڵای هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، لەدوای بەربانگی ئێوارەش وەزیری خوێندنی باڵا بە یاوەری سەرۆكی زانكۆ و ئەندامانی ئەنجومەنی زانكۆی هەڵەبجە بەشە جیاوازەكانی هەردوو بەشە ناوخۆیی كوڕان و كچانی بەسەركردەوە.
ئاماژە بۆ ئەوەش كراوە، وەزیری خوێندنی باڵا لە نزیكەوە گوێی لە داواكاری و پێشنیازی خوێندكاران و قوتابیان گرت و بەڵێنی جێبەجێكردنی چەند داواكارییەكی پێدان.
