زریانێکی بەهێزی نوێ ویلایەتی میزۆری ئەمریکای گرتووەتەوە و بەهۆیەوە تائێستا پێنج کەس گیانیان لەدەستداوە جگە لەوەی ژمارەیەکی زۆر بێسەروشوێنن.
پۆلیسی ویلایەتی میزۆری رایگەیاندووە، “زریانەکە زۆر بەهێزە و ماڵەکانی وێران کردووە، تا ئێستا پێنج تەرم دۆزراونەتەوە و ژمارەیەکی زۆریش بێسەروشوێنن”.
ئەوەی لە میدیاکانی ئەمریکا لە دیمەنەکانی زریانەکە بڵاویانکردووەتەوە، درەختەکان لە رەگەوە هەڵکەندراون و خانوو و باڵەخانەکان وێران بوون.
بەرپرسی پۆلیسی میزۆری بە فرانس پرێسی راگەیاندووە، “ئۆپەراسیۆنەکانی گەڕان و رزگارکردن بەردەوامن”.
ئەمە لەکاتێکدایە لە کۆتایی هەفتەی رابردوودا زریان و رەشەبا چەند ویلایەتێکی ئەمریکای گرتەوە، لانیکەم 32 کەس گیانیان لەدەستدا.
