ئەمڕۆ 11 كرێكار لە شاری هەولێر بەهۆی كەوتنەخوارەوە لە كاتی كاركردنیاندا برینداربوون.
پەیامنێری تۆڕی میدیایی ئێستا لە هەولێر گواستییەوە، كرێكارەكان سەرگەرمی كاركردن بوون لە باڵەخانەیەكی سەر شەقامی 120 مەتریی شاری هەولێر، بەیانیی ئەمڕۆ دووشەممە لەسەر ئەسكەلەوە كەوتوونەتە خوارەوە و برینداربوون.
وتیشی، بەهۆی برینەكانیانەوە، كرێكارەكان كە هەشتیان لە نەتەوەی عەرەبن و سیانیان كوردن گواستراونەتەوە بۆ نەخۆشخانەی فریاكەوتنی رۆژئاوا و چارەسەری پزیشكییان بۆ دەكرێت.
