فازڵ حاجی وتەبێژی هاتوچۆی هەولێر دەڵێت، بەیانیی ئەمڕۆ لە شاری هەولێر تاکسییەک بەهۆی خەوتنی شوفێرەکەی لە کاتی لێخوڕیندا، کۆنترۆلی لەدەستدا و خۆی کێشا بە ئۆتۆمبێلێکی دیكەدا کە لە لای راستی شەقامەکە لە شوێنێکی یاسایی پارکی کردبوو.
راشیگەیاند، دواتر ئۆتۆمبێلەكە کۆنترۆلی لەدەستدا و بەرەو لای چەپی شەقام رۆیشت و بەسەر ناوبڕەی شەقامەكەدا کەوت و چووە دیوەکەی تری شەقام پاشان وەستا.
فازڵ حاجی باس لەوە دەكات كە لە دەرەنجامی رووداوەکەدا زیانێکی زۆری ماددی کەوتووەتەوە و بە شۆفێران دەڵێت، “تکایە بە هیلاکی و خەواڵوویی لێمەخوڕن”.
