بە یەك كەشتی، 42 هەزار تۆن برنجی تایلەندی گەیشتە عێراق و بڕیارە لە بەشەخۆراكدا بەسەر هاوڵاتییاندا دابەشبكرێت.
كۆمپانیای گشتیی بازرگانیی خۆراك لە وەزارەتی بازرگانی دەڵێت، كەشتییەك كە 42 هەزار تۆن برنجی هەڵگرتووە، گەیشتووەتە بەندەری ئوم قەسڕ و برنجەكە لە بەشەخۆراكی ئەم مانگەدا بەسەر هاوڵاتییاندا دابەشدەكرێت.
بەپێی راگەیەندراوی كۆمپانیاكە، ئەو برنجەی هاوردەكراوە لە جۆری تایلەندییە و تیمێكی پشكنەرانی تاقیگەیی لە دەزگای كوالێتی كۆنترۆڵ لەسەر كەشتییەكە پشكنینی سەرەتاییان بۆ برنجەكە كردووە و نموونەیان لێناردووە بۆ تاقیگە.
