وەزارەتی دارایی و ئابوریی هەرێم رایدەگەیەنێت، كارئاسانیی زیاتر بۆ دابەشكردنی مووچەی خانەنشینان و كەسوكاری شەهیدان دەكرێت.
بەپێی راگەیەندراوێكی وەزارەتی دارایی و ئابوریی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە،لە درێژەی هەوڵەكانی وەزارەتی دارایی و ئابوری بۆ كارئاسانی لە دابەشكردنی مووچەی خانەنشینان و كەسوكاری سەربەرزی شەهیدان و ئەنفالكراوان، بانكی مەڵكەندی لە سلێمانی نووسینگەیەكی تری بە شێوازێكی پێشكەوتوو بە دابەشكردنی مووچەی ئەو چین و توێژانە كردەوە.
شۆخان عومەر بەڕێوەبەری بانكی مەڵكەندی ڕایگەیاند، لە چوارچێوەی هەوڵەكانیان بۆ زیاتر خزمەتكردنی خانەنشینان و كەسوكاری سەربەرزی شەهیدان و ئەنفالكراوان ڕۆژی پێنجشەممە 16ی 3ی 2023 نووسینگەی ژمارە پێنج لە سەنتەری شاری سلێمانی كرایەوە، كە سەرجەم خزمەتگوزارییەكانی تیادا دابینكراوە و بە شێوەیەكی تەندروست و لە ماوەیەكی كورتدا ئەو چین و توێژانە دەتوانن مووچەكانیان وەربگرن.
