بەهۆی رۆچوونی زەوییەوە چاڵێكی گەورە لە رێگایەكی سەرەكیی گەرمیاندا دروستبووە و لەبارەیەوە هۆشداری بە شۆفێران دەدرێت.
ئارام مەعروف، بەڕێوەبەری ناحیەی سەنگاو رایگەیاند، ئاگاداری شۆفێران و دانیشتووانی گوندەکانی سنووری سەنگاو دەکات کە بەهۆی رۆچوونی زەوی، چاڵێکی گەورە لە ناوەندی رێگای سەرەکیی سەنگاو- گەرمیان دروستبووه و مەترسی لەسەر ژیانی شۆفێران دروستکردووە.
داواش لە شۆفێران دەكات بە وریایی ئەو رێگایە بەکاربهێنن تا سبەی لەلایەن تیمەکانی پاراستن و چاککردنی رێگاوبانی چەمچەماڵ و بەڕێوەبەرایەتیی ناحیەی سەنگاوەوە چارەسەر دەکرێت.
