سەرۆكی هەرێمی كوردستان رایدەگەیەنێت، هەر كاتێك رێككەوتن لە نێوان لایەنە سیاسییەكان كرا ئەوا بەپێی یاسا كاتی هەڵبژاردن دیاریدەكەین.
نێچیرڤان بارزانی سەرۆكی هەرێمی كوردستان لە لێدوانێكی رۆژنامەوانیدا لە دیداری سلێمانی كە لە زانكۆی ئەمریكی بەڕێوەچوو رایگەیاند، تا ئێستا كاتی كۆبوونەوەی هەردوو مەكتەبی سیاسیی یەكێتی و پارتی دیاری نەكراوە، بەڵام دەزگای هەڵبژاردنی یەكێتی و پارتی كۆبوونەوەیان ئەنجامداوە و لەسەر زۆرێك لە بابەتەكانی كە پەیوەندیدارە بە هەڵبژاردنەوە رێككەوتوون.
لەبارەی كێشەكانی هەرێم و بەغداد سەرۆكی هەرێم وتی، “لە دوای ساڵی 2003یەوە یەكەمجارە رێككەوتنی نێوان هەرێم و بەغداد نووسراو هەیە و ئومێددەكەین رێككەوتنەكان وەك خۆیان جێبەجێبكرێن”.
