بەڕێوەبەرایەتیی هاتوچۆی هەولێر سەرپێچییەکی دیکەی شۆفێرانی بۆ لیستی سزاکان زیادکردووە و بە لێدان لە ترافیکلایتی سوور هەژماری کردووە.
لە راگەیەندراوێکدا فازڵ حاجی وتەبێژی بەڕێوەبەرایەتیی هاتوچۆی هەولێر رایگەیاندووە، “لە سیستەمی کامێرای سەر ترافیکلایتەکان، هەر ئۆتۆمبێلێک لە کاتی وەستان هەردوو تایەی دواوەی لەهێڵی (ستۆپ لاین) تێپەڕێت، کە ئەو هێڵە بە پانی شەقام دروست دەکرێت لەسەر ترافیکلایتەکان، ئه‌وا بەلێدان لە چرای سوور ئەژمار دەکرێت”.
لە راگەیەندراوەکەدا هاتووە، “بەڵام ئەگەر تەنها دوو تایەی پێشەوەی بکەوێتە سەرهێڵەکە، بە سەرپێچی لێدانی چرای سوور بۆی ئەژمار ناکرێت”.
