بەهۆی ڕوداوێكی هاتوچۆ لەسەر ڕێگای ڕانیە-دوكان چوار كەس برینداربوون و هاتوچۆی ناوچەكەش دەڵێت، تیژڕەوی هۆكار بووە.
بەڕێوەبەرایەتی هاتوچۆی ڕاپەڕین ئەمڕۆ سێشەممە 15ی كانونی یەكەم بڵاویكردەوە، كاتژمێر 08:30ی ئەمشەو لەسەر شەقامی سەرەکی ڕانیە-دوکان ئۆتومبێلێکی جۆری (جیپ- لاریدۆ) خۆی کێشا بە بەربەستێکی گڵ-ی سەر شەقام و بەهۆیەوە شۆفێرەکە و سێ سەرنشین برینداربوون.
ئاشكراشیكرد، هۆکاری ڕوداوەكە تیژڕەویی بووە، شۆفێرەکە نەیتوانیوە کۆنتڕۆڵی ئۆتۆمبێلەکەی بکات، چونکە باش ئاگاداری سەر شەقام نەبووە.
