پۆلیسی دارستان و ژینگەی سلێمانی دەڵێت، لە سنووری مێرگەپان سێ هاوڵاتی بە گومانی راوکردن دەستگیرکران.
لە راگەیەندراوێكدا پۆلیسی دارستان و ژینگەی سلێمانی ئاشكرایكرد، بنکەی پۆلیسی دارستانی مێرگەپان دوای بڵاوبوونەوەی چەند وێنەیەک لەلایەن چەند کەسێکەوە و وەرگرتنی زانیاری لەو بارەیەوە و دەستکەوتنی چەند وێنەیەکی گوماناوی کە گومانی راوکردنیان لەسەرە کە لە سنووری گوندی (گۆمەزەڵ) راویانکردووە، سێ هاوڵاتییان دەستگیرکرد.
راگەیەندراوەكە دەڵێت، “پەڕاوی لێکۆڵینەوە رێکخراوە و رادەستی دادوەر کراوە بۆ وەرگرتنی رێکاری یاسایی”.
