بەرێوەبەرایەتیی گشتیی كەشناسی و بومەلەرزەزانیی هەرێمی كوردستان رایدەگەیەنێت، ئەمڕۆ ئەگەری نمەباران لە ناوچە شاخاویبەكان هەیە و سبەینێ شەممەش كەشوهەوا ئاسایی دەبێتەوە و بە گشتی ئاسمان لە نێوان پەڵەهەور و نیمچەهەور دەبێت.
بەپێی راگەیەندراوێكی بەرێوەبەرایەتیی گشتیی كەشناسی و بومەلەرزەزانیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ هەینی ئاسمان پەڵەهەور بۆ نیمچە هەور دەبێت لەگەڵ ئەگەری كەمێك نمەباران لە ناوچە شاخاوییە سنووریەكان، پلەكانی گەرما بەرزدەبنەوە بە بەراورد بە تۆماركراوەكانی دوێنێ بە نزیكەی (1-2) پلە.
لە راگەیەندراوەكەدا هاتووە، سبەینێ شەممە ئاسمان بە گشتی لە نێوان پەڵەهەور و نیمچەهەور دەبێت، پلەكانی گەرما بەرزدەبنەوە بەراورد بە تۆماركراوەكانی ئەمڕۆ بە نزیكەی (1-2) پلە.
بەرزترین پلەكانی گەرمای پێشبینیكراو بە پلەی سیلیزی:-
هەولێر : 22 پلەی سیلیزی
سلێمانی : 17 پلەی سیلیزی
دهۆك : 21 پلەی سیلیزی
كەركوك : 24 پلەی سیلیزی
هەڵەبجە : 18 پلەی سیلیزی
زاخۆ : 23 پلەی سیلیزی
سۆران : 16 پلەی سیلیزی
گەرمیان : 24 پلەی سیلیزی
