رووداوەكە نیو كاتژمێر پێش ئێستا لە دوكانێكی ئوتوی هەڵمی لە ئاییندە ستیی شاری هەولێر روویداوە.
دیاری حوسێن پەیامنێری تۆڕی میدیایی ئێستا لە هەولێر گواستییەوە، دوكانەكە بە تەواوەتی سووتاوە و تیمەكانی بەرگریی شارستانی گەیشتوونەتە شوێنی رووداوەكە و ئاگرەكەیان كۆنترۆڵكردووە.
وتیشی، “زیانەكان تەنها ماددین و ئاگركەوتنەوەكە هیچ زیانێكی گیانیی لێنەكەوتووەتەوە، تیمەكانی بەرگریی شارستانییش رێگرییانكردووە لە تەشەنەسەندنی ئاگرەكە بۆ بینا و باڵەخانەكانی دەوروبەر، بەو پێیەی دوكانەكە دەكەوێتە نێوان دوو پەیمانگەی ئەهلییەوە و خوێندكاران كەوتوونەتە دۆخی ترس و نیگەرانییەوە”.
هاوڵاتییەك لە شوێنی رووداوەكەوە قسەی بۆ ئێستا كرد و وتی، “بەهۆی ئەوەی دوكانەكە پۆشاكی زۆری تیادا بووە و لە كاتی ئاگركەوتنەوەكەدا رەشەبا هەڵیكردووە، لە ماوەیەكی كەمدا دوكانەكە بە تەواوەتی سووتاوە”.
