بڕی بارانبارین و کەشی ئەمڕۆ و سبەینێ بزانە

کەشناسیی هەرێمی کوردستان کەشوهەوای ئەمڕۆ و سبەینێی بڵاوکردەوە، هەروەها رێژەی بارانبارینی 24 کاتژمێری رابردووی ئاشکراکرد.

بەپێ ئەو داتایانەی کەشناسی بڵاویکردووەتەوە، لە شەو و رۆژی رابردوودا بارانبارین بەمشێوەیە بووە: 1- سۆران 0.6 ملم، حاجی ئۆمەران 0.2 ملم، دوکان 0.2 ملم، هەڵشۆ 1.2 ملم، سەید صادق 0.3 ملم، قڕگە 0.8 ملم، هەڵەبجە   0.2 ملم.

هەروەها کەشوهەوای ئەمڕۆ شەممە بەمجۆرە دەبێت، ئاسمان ساماڵ دەبێت لەگەڵ دروستبوونی تۆزێکی سوک.

سبەینێ یەکشەممە، ئاسمان ساماڵ بۆ نیمچەهەور دەبێت لە کاتەکانی شەودا دەگۆڕێت بۆ هەوری تەواو، پلەکانی گەرماش هاوشێوەی پێشوو دەبێت.