ژمارەیەك هەلی دامەزراندن لە دوو شاری هەرێمی كوردستان راگەیەندران و مامۆستایان دەگرنەوە.
بەڕێوەبەرایەتیی گشتیی چاودێری و گەشەپێدانی کۆمەڵایەتیی گەرمیان (25) هەلی کار دەڕەخسێنێت بۆ دەرچووانی زانکۆ و پەیمانگەكانی سنووری گەرمیان لە هەردوو رەگەز.
دامەزراندنەكان بە شێوەی گرێبەستن و بۆ هەردوو پەیمانگەی نابیستانی گەرمیان و كفری دەبن و بەڕێوەبەرایەتیی گشتیی چاودێری و گەشەپێدانی کۆمەڵایەتیی گەرمیان دەڵێت، “لەو 25 مامۆستایە 16ـیان لە كەلار و 9 كەسیان لە كفری دادەمەزرێندرێن و بەپێی ئەو پسپۆڕییانەی کە لە خوارەوە دیاریکراون”.
ئاماژەی بۆ ئەوەش كردووە كە ئەو کەسانەی دەیانەوێت فۆرم پڕبکەنەوە و دانیشتووی سنووری کەلارن، دەتوانن لە رێکەوتی 7ی 3ی 2023 سەردانی بەڕێوەبەرایەتیی گشتیی چاودێری و گەشەپێدانی کۆمەڵایەتیی گەرمیان بکەن بە مەبەستی وەرگرتنی فۆرم و ماوەی گەڕاندنەوەی فۆرمەکان تەنیا حەوت رۆژە.
راگەیەندراوەكە ئاشكراشیكردووە، ئەو كەسانەی دەیانەوێت لە سنووری قەزای کفری فۆرم وەربگرن. دەتوان لە رێکەوتی 8ی 3ی 2023 سەردانی بەڕێوەبەرایەتیی چاودێری و گەشەپێدانی کۆمەڵایەتیی کفری بکەن بە مەبەستی وەرگرتنی فۆرم و گەڕاندنەوەی لە ماوەی حەوت رۆژدا بۆ بەڕێوەبەرایەتیی چاودێری و گەشەپێدانی کۆمەڵایەتیی کفری.
