ڤایرۆسێكی كوشندە بە ناوی “ماربۆرگ” بڵاوبووەتەوە و تووشبوونی كەسێك لە ئیسپانیا بە فەرمی راگەیەندرا، بەو هۆیەوە هۆشداری دەدرێت.
“ماربۆرگ” لەگەڵ ئەوەی نەخۆشییەكی كوشندەیە، لە نێوان مرۆڤەكاندا دەگوازرێتەوە و لە ئیسپانیا كەسێك دووچاری نەخۆشییەكە بووە و بوونی ڤایرۆسەكە لە جەستەیدا سەلمێندراوە، لە گینیا-ش زیاتر لە 200 كەس بە گومانی تووشبوونیان بەو ڤایرۆس و نەخۆشییە كەرەنتین كراون.
بەپێی وتەی پزیشكان، سەرباری ئەوەی ڤایرۆسەكە گواستراوەیە، ئەوەی وایكردووە “ماربۆرگ” مەترسیداربێت، نەبوونی هیچ ڤاكسین و چارەسەرێكی پزیشكییە بۆ ئەو نەخۆشییە كوشدەیە.
بەرزبوونەوەی تای جەستە، سكچوون، شەكەتبوون و رشانەوە كە خوێنی لەگەڵدایە، لە نیشانە سەرەتاییەكانی تووشبوون بە “ماربۆرگ”ـن.
