لە دوای شەش ساڵ لە تۆمەتبارکردنی بە دەستدرێژی سێکسی، سەعد موجەرد هونەرمەندی ناسراوی مەغریبی لەلایەن دادگای فەرەنساوە تاوانبارکرا و سزای شەش ساڵ زیندانی بەسەردا سەپێندرا.
ئەمڕۆ هەینی دادگای تاوانەکان لە پاریسی پایتەختی فەرەنسا بڕیاریدا بە شەش ساڵ زیندانیکردن و قەدەغەکردنی لە چوون بۆ فەرەنسا بۆ ماوەی پێنج ساڵ لە دوای تەواوبوونی سزای زیندانیکردنەکەی.
موجەرد هەر ئەمڕۆ لەناو هۆڵی دادگادا دەستگیرکرا و تەنها 10 رۆژی لەبەردەمدایە بۆ تانەدان لە بڕیارەکەی دادگا.
رووداوی دەستدرێژیکردنی سێکسی لەلایەن ئەو هونەرمەندە مەغریبییەوە دەگەڕێتەوە بۆ 2016 کاتێک لەگەڵ لاورا بریۆل لە هۆتێلێکدا پێکەوە کاتیان بەسەربردووە و سەمایان کردووە، بە وتەی لاورا لەناکاو موجەرد لە سەری داوە و دەستدرێژی کردووەتە سەری، بەڵام لە سەرجەم وتەکانی لەبەردەم دادگا وێڕای دانی بەوەدا ناوە لەژێر کاریگەری ماددەی هۆشبەر و خواردنەوە کهولییەکاندا بووە رەتیکردووەتەوە ئەو تاوانەی ئەنجامدابێت.
