عەلی حەمەساڵح ئەندامی پەرلەمانی كوردستان رایگەیاند، بەشداربووانی پڕۆژەكانی نیشتەجێبوون بۆ پێدانی قیستی یەكەی نیشتەجێبوون بە 132 هەزار دینار دەدەن لەبەرامبەر هەر 100 دۆلارێك.
راشیگەیاند، “ئەمڕۆ قسەمان لەگەڵ سەرۆكی دەستەی وەبەرهێنانی هەرێمی كوردستان كرد تا ئەم بڕیارە پارێزگاكانی هەرێمی كوردستانیش بگرێتەوە”.
ئاشكراشیكرد، بڕیارە ڕێكاری پێویست بگیرێتەبەر و نووسراو ئاراستەی بانكی ناوەندیی عێراق بكرێت بۆ ئەوەی لە هەرێمی كوردستانیش دۆلار بە 132 هەزار دینار بدرێتە بەشداربووانی پڕۆژەكانی نیشتەجێبوون.
