یاریزانی پۆرتوگالیی یانەی پۆرتۆ، کیپلەر پیپی ئاماژە بەوە دەکات، کە لە کاتی بەڕێوەچوونی چالاکییەکانی مۆندیالی 2022دا، فێرناندۆ سانتۆسی ڕاهێنەری پۆرتوگال وانەیەکی گرنگی فێری کریستیانۆ ڕۆناڵدۆ کردووە.
پیپی دەڵێت، “سانتۆس (ڕاهێنەری ئێستای هەڵبژاردەی پۆڵەندا) هەمیشە ڕۆحی بەکۆمەڵی لە پێشینەدا داناوە، لە ماوەی ڕاهێنەرایەتیکردنی بۆ هەڵبژاردەی پۆرتوگال بەو ئاراستەیە کاریکرد.”
پیپی باس لە لێکچوونی ڕۆڵی کریستیانۆ ڕۆناڵدۆ لە هەڵبژاردەی پورتوگال و ڕۆبێرت لیڤاندۆڤسکی لەگەڵ هەڵبژاردەی پۆڵەندا دەکات.
بەرگریکارەکەی پۆرتۆ دەڵێت، “سانتۆس وایکرد ڕۆناڵدۆ تێبگات کە ‘ئێمە’ لە “من” و لە هەموو شتێکی دیکە گرنگترە، ڕۆناڵدۆ نموونەی باڵای ئێمە بوو، دڵنیام لە پۆڵەندا بە هەمانشێوە بوو بۆ لیڤاندۆڤسکی، چونکە ئەوان دوو یاریزانی گەورەن.”
