“لالیگا” لەبارەی ڤینسیۆزەوە بڕیارێک دەدات

ڤینیسیۆز جونیۆری بەڕازیلی و ئەستێرەی یانەی ڕیاڵ مەدرید، ماوەیەکە ڕووبەڕووی ڕەگەزپەرستی هاندەرانی یانە ڕکابەرەکان بووەتەوە.

ڕکابەران ئاماژەیان بەوەکردووە، گوایە یاریزانە ئاهەنگدەگێڕێت و هەراسانیان دەکات، بەڵام زۆرینەی شارەزایان و یاریزانان ئاهەنگگێڕانی یاریزانەکەیان بە بەشێک لە تۆپی پێ وەسفکردووە، تەنانەت هەمان جموجۆڵ لەلایەن نێیمار و یاریزانانی دیکەوە ئەنجامدەدرێت و هەڵوێستی خراپیان بەرامبەر نەکراوە.

لە دواین یارییدا بەرامبەر ئوساسۆنا، هاندەرانی ئەو یانەیە دروشمی “مردن بۆ ڤینی”یان وتووەتەوە، ئەوەش بووەتە جێی نیگەرانی یاریزانەکە و ئیدارەی ڕیاڵ مەدرید، تەنانەت خودی یاریزانانی ئوساسۆنا ئەو هەڵسوکەوتەیان بە نادروست لەقەڵەمداوە.

ڕایەڵەی یانەکانی “لالیگا” بڕیاریداوە لێکۆڵینەوە بکات، لە بەرامبەر هەر کردەوەیەکی هاوشێوەدا سزای یانە ڕکابەرەکان بدات.