چاكسازیی گەورانی ھەولێر رێگری لە زیندانییەكی بادینان دەكات كە چارەسەری پزیشكی بەكاربهێنێت و بەو هۆیەشەوە دوو زیندانی دیكە مانگرتنیان راگەیاند.
ئەیهان سەعید نوێنەری زیندانییانی بادینان راگەیاند، “بەهۆی بەكارهێنانی چارەسەری پزیشكی یەكێك لە زیندانییانی بادینان بەناوی هاریوان عیسا خرایە زیندانی تاكە كەسی و دوو زیندانی دیكەش بەناوەكانی ئەیاز كەرەم و هاریوان عیسا مانگرتنیان لە دژی ئەو ستەمەی بەرامبەریان دەكرێت راگەیاند”.
بەپێی زانیارییەكان هاریوان عیسا نەخۆشیی درێژخایانی لەگەڵدایە و بەردەوام پێویستی بە چارەسەری پزیشكی وەك حەپ و دەرزی هەیە، بەڵام ئیدارەی چاكسازیی گەورانی هەولێر رێگرن و ناهێڵن چارەسەرەكانی بەكاربهێنێت، ئەمەش لە كاتێكدایە كە بە بڕیارێكی نا یاسایی و پیلان بۆداڕێژراو گشت زیندانییانی بادینان لە یەكترجیاكرانەوە.
ئەیهان سەعید كە قسەی بۆ ماڵپەری فەرمیی یەكێتی كردووە و وتیشی، “ئەم سزاو شەڕە دەروونییەی بەرامبەر زیندانییانی بادینان دەكرێت نییەتی زۆر مەترسیداری لە پشتە و دوورە لە هەموو پرەنسیپێكی مافی مرۆڤ و یاسا، تا رادەی گومانی (پیلانی ڕەش و تیرۆری بایۆلۆجی) ھەیە”.
