توێژینەوەیەکی بەریتانی لێکۆڵینەوەی لەبارەی پەیکەری مۆمیاکراوی پەرییەکی دەریاوە کرد کە ژاپۆنییەکان دەیانپەرست و باوەڕیان وابوو تەمەنیان درێژ دەکات و دووریاندەخاتەوە لە مردن.
رۆژنامەی دەیلی مەیلی بەریتانی باس لەوە دەکات لە توێژینەوەکەدا جەختکراوەتەوە، ئەو پەری دەریایەی کە مۆمیاکرابوو و لەلایەن ژاپۆنییەکانەوە دەپەرسترا، ئێستا دەرکەوتووە کە هیچ بنەمایەکی راستیی نییە و زیندەوەر نەبووە لە بنەڕەتدا.
توێژینەوەکە دەڵێت، ئەو مۆمیا کراوە لەلایەن کەسانی ئەو سەردەمەوە بە پارچە پەڕۆی کۆن دروستکراوە نەک جەستەیەکی زیندوو بووبێت.
باس لەوەشدەکات، ئەو شێوە زینەدەوەرە بەهۆی ئەوە دروستکراوە و مۆمیاکراوە، ژاپۆنییەکان سەرسامبوون بە زیندەوەری پەریی دەریا.
بەپێی ژاپۆنییەکان ئەم پەریی دەریایە لە ساڵی 1736 بۆ 1741 لە زەریای هێمن دۆزراوەتەوە.
ئەفسانەکانی ژاپۆن دەڵێن، ئەم پەری دەریایە پێشتر ژنێک بووە و لە پەرستگای شاری ئاساکوچی لە باشووری رۆژئاوای ژاپۆن ماوەتەوە.
ئەفسانەکە دەڵێت کە ئەم مۆمیایە توانای بەخشینی نەمریی هەیە و لە کاتی پەتای کۆرۆنادا ، بانگەشەی ئەوە دەکرا کە دووریاندەخاتەوە لە مەترسییەکانی ڤایرۆسی کۆرۆنا.
