بافڵ جەلال تاڵەبانی لەگەڵ فالح فەیاز کۆبووەوە

بافڵ جەلال تاڵەبانی، سەرۆکی یەکێتیی نیشتمانیی کوردستان لە بەغداد لەگەڵ فالح فەیاز، سەرۆكی دەستەی حەشدی شەعبی کۆبووەوە.

لە کۆبوونەوەکەدا دۆخی سیاسی و ئەمنیی وڵات گفتوگۆی لەبارەوە کرا و جەخت لە بەردەوامیی هەماهەنگی و پشتیوانییەکان کرایەوە بۆ سەرخستنی کارنامەی حکومەت و هاریکاریی زیاتری هێزە ئەمنییەکانی هەرێم و عێراق لەپێناو پاراستنی سەقامگیریی ناوچەکەدا.

سەرۆک بافڵ جەلال تاڵەبانی ئاماژەی بە بەهێزترکردنی دامەزراوە ئەمنییەکان و بەرئەنجامی هەماهەنگییە سەربازی و هەواڵگرییەکان کرد و رایگەیاند، هەوڵەکانی رابردوومان لەپێناو پاراستنی ژیانی خەڵک ئەنجامی ئەرێنی و دڵخۆشکەریان هەبووە و دەبێت لە داهاتووشدا بە هەمان رۆحییەت و سیاسەتێکی نیشتمانییەوە رووبەڕووی تیرۆر بووەستینەوە و مەترسییەکان دووربخەینەوە.

هەروەها سەرۆک بافڵ سوپاسی دەستەی حەشدی شەعبیی کرد لە بەرامبەر پێشکەشکردنی هاوکارییەکانیان بۆ قوربانییانی بومەلەرزەکەی سوریا و بەهاناوەچوونیان.

 

بابەتی پێشتر

ئۆتۆمبێلێك بەهۆی تێكچوونی سیستمی غازەوە سووتا

بابەتی دواتر

چامپیۆنز لیگ دەستپێدەکاتەوە

بابەتی پەیوەندیدار
Total
0
Share