ئۆتۆمبێلێكی جۆری پاس گڕیگرت و بە تەواوی سووتا، لایەنی پەیوەندیدار دەڵێت، ئاگركەوتنەوەكە بەهۆی تێکچوونی سیستمی غازەوە بووە.
رووداوەكە بەیانیی ئەمڕۆ لە ئاكرێ روویداوە، بەپێی راگەیەندراوی بەرگریی شارستانیی ئاکرێ، کاتژمێر هەشتی بەیانیی ئەمڕۆ سێشەممە لەسەر رێگەی نێوان هەولێر و دهۆک بەهۆی تێکچوونی سیستمی غازەوە پاسێک گڕیگرتووە و بە تەواوی سووتاوە.
بەرگریی شارستانیی ئاکرێ راشیگەیاند، رووداوەکە زیانی گیانیی نەبووە و تەنها زیانی ماددیی لێکەوتووەتەوە و تیمەكانیان ئاگرەكەیان خامۆشكردووە.
