بە بەهای سێ ملیۆن و 216 هەزار دۆلار، پەمپی نەوت لە ئەمریكا كڕدراوە، بەڵام دوای گەیشتنیان بە عێراق دەركەوتووە پەمپەكان كارناكەن.
“گەندەڵییەكە” دەستەی دەستپاكی ئاشكرایكرد و دەڵێت، پەمپەكان بۆ كۆمپانیای نەوتی بەسڕە هاوردەكراون، دوای سەردانی تیمێكی دەستەی دەستپاكی بۆ كۆگاكانی كۆمپانیای نەوتی بەسڕە لە رومێلە، دۆسیەكە ئاشكرابووە.
ئاشكراشیكردووە، پەمپەكان ژمارەیان 27 دانە بووە و كۆمپانیایەكی ئەمریكی دابینیكردوون، دوای پشكنین دەركەوتووە لەكاركەوتوون و بێكەڵكن.
بەپێی راگەیەندراوی دەستەی دەستپاكی، پەمپەكان چەندین گرفتیان هەیە، لەوانە كونبوون، خراپیی جۆر و شێوازی لەحیمكردنیان و هەڵوەرینی بۆیەكەیان، سەرباری ئەوەش 80%ـی تێچووەكەیان دراوە كە بریتییە لە سێ ملیۆن و 216 هەزار دۆلاری ئەمریكی.
